Բարեգործության նոր օրենքը լրացուցիչ լծակ է Փաշինյանի և հանրապետականների ձեռքին ընդդեմ Ծառուկյանի

Գոհար Մարգարյանը ֆեյսբուքյան իր էջում գրում է.

Կառավարությունը շրջանառության մեջ է դրել Բարեգործության մասին նոր օրենքը, որի քաղաքական ենթատեքստը ակհնայտ է առաջին իսկ հայացքից։ Նախ Նիկոլ Փաշինյանը այն որոշել է ԱԺ մտցնել արտահերթ նիստով, ինչը շեշտում է օրենքի նախագծի ընդունման հարցում Կառավարության շտապողականությունը, իսկ Կառավարությունը, ինչպես հայտնի է, երբեք առանց պատճառի չի նշտապում։

Երկրորդ, ակնհայտ է դրա քաղաքական ենթատեքստը, քանի որ նույն Նիկոլ Փաշինյանը, որը այն դրել է շրջանառության մեջ, հայտարարել է նաև, որ պատրաստվում է արտահերթ ընտրությունների, ինչը ավելի է շեշտում այս ամենի ետևում կոնկրետ քաղաքական հաշվարկների առկայությունը։

Նշենք, որ Բարեգործության մասին օրենքի նոր նախագիծը մշակվել է հանրապետականների կողմից, բայց այն շրջանառության մեջ է դնում Փաշինյանը, ուրեմն կարող ենք ասել, որ կա հստակ համագործակցություն Փաշինյանի ու հանրապետականների միջև, որոնք նոր օրենքը ուզում են օգտագործել Ծառուկյանի դեմ, քանի որ այսօր Հայաստանում հենց Ծառուկյանին անունն է անմիջապես ասոցացվում բարեգործության հետ։ Օրենքի նախագծով նախատեսվում է ստեղծել պետական լիազոր մարմին, որը կարող է թույլատրել կամ արգելել որևէ մեկին զբաղվել բարեգործությանմբ։
Այո, որքան էլ աբսուրդ թվա բարեգործությանը նման մոտեցումը, բայց դա փաստ է և դա նոր նախագծի պահանջն է։ Ի դեպ, նշենք, որ ամբողջ աշխարհում նման բան չկա։ Այսինքն ինչ-որ պետական մարմին պետք է ուրիշի փոխարեն որոշի, թե նա իր սեփական միջոցներով կարո՞ղ է ինչ-որ մեկին օգնել թե չէ։ Ծառուկյանը պաշտոնյա չէ, նա պետական գումարներ չի վերահսկում, տարբեր խավերի կարիքավոր մարդկանց մշտապես օգնել է ու օգնում է բացառապես իր սեփական միջոցներից։ Հետայսու, ըստ նոր օրենքի տրամաբանության, պետական լիազոր մարմինը պետք է որոշի, կարո՞ղ է արդյոք Ծառուկյանը իր միջոցների հաշվին օգնել որևէ ուսանողի վճարել իր ուսման վարձը թե չի կարող, կարո՞ղ է որևէ թոշակառուի բժշկական օգնություն ստանալու համար օգնել թե ոչ։
Փաստորեն Կառավոսրթւոյւնը որոշել է սկսել հակառակ կողմից․ փոխանակ լուծելու բոլոր կարիքավոր մարդկանց խնդիրները, որպեսզի նրանք բարեգործության կարիք ուղղակի չունենան, որոշել է առանց նրանց խնդիրները լուծելու ուղղակի արգելել նրանց օգնել․ իսկ թե ինչպես է ուսանողը մուծելու իր ուսման վարձը, ինչպես է թոշակառուն օգտվելու բժշկական օգնությոնից, մինչև երբ է աղետի գոտու բնակիչը մնալու խարխուլ տնակում, ինչպես է մարզում բնակվող ուսանողը գնալու դասի և գա տուն, այս և բազմաթիվ այլ հարցեր Նիկոլ Փաշինյանին չեն հետաքրքրում։

 

Այնինչ հենց այս ու բազմաթիվ այլ հարցերում է մարդկանց օգնել ու շարունակում օգնել Գագիկ Ծառուկյանը, որի բարեգործական ծրագրերը ընդգրկում են ամենալայն ոլորտներ` գյուղատնտեսությունից մինչև կրթություն և մշակույթ։ Իսկ սպորտի մասին պետք է առանձնահատուկ նշել, քանի որ միայն Ծառուկյանի շնորհիվ է, որ սպորտը Հայաստանում այսօր հասել է այսպիսի հաջողությունների և այս ոլորտում բարեգործությունը ուղղակի օգուտ է տալիս նաև պետությանը, քանի որ Հայաստանի հավաքականների՝ ցանկացած մրցույթի մասնակցելը ու հետագայում մարզիկների պարգևատրելը, ինչը կապված է հսկայական գումարների հետ, Ծառուկյանը միշտ վերցրել է իր վրա։

Եվ այսքանից հետո պետք է ստեղծվի ինչ-որ պետական լիազոր մարմին, որը այս ամենի համար հետայսու պետք է «լիցենզիա» տրամադրի, այսինքն մարդկանց օգնելու, ոլորտ զարգացնելու գործն էլ դարձնի «լիցենզիայով», թույլատվությամբ։

Հատուկ շեշտենք, որ բարեգործության մասին օրենքը գործում է դեռ 2002 թվականից, և միայն այսօր, չգիտես ինչու, հանկարծ անհրաժեշտություն առաջացավ այն փոփոխել և նոր նախագիծ շրջանառել, ինչը ավելի է շեշտում դրա քաղաքական բնույթը։

Հ․Գ․ Ի դեպ, բոլոր նրանք, ովքեր Ծառուկյանի արած բարեգործությունը փորձում են կապեն քաղաքականության հետ, թող փորձեն գոնե կիսով չափ ուսումնասիրեն այն բազմաթիվ բարեգործությունները, որոնք Ծառուկյանը արել է այն ժամանակահատվածում, երբ հեռացել էր քաղաքականությունից։ Թերևս սա լավագույն ապացույցն է նրա, որ Ծառուկյանի բարեգործությունները ոչ մի քաղաքական, առավել ևս նախընտրական, կոնտեքստ չունեն և չեն ունեցել։

loading...
Պուտինը եւ Թրամփը կհանդիպեն նոյեմբերի 11-ին՝ Փարիզում «Ցավում եմ, որ որոշ ուժեր սա չհասկացան». Արարատ Միրզոյանը խաղաղվելու մաղթանք է հղել ՀՀԿ-ն վաղը կայանալիք վարչապետի ընտրություններում թեկնածու չի առաջադրելու Արա Աբրահամյանը կմասնակցի՞ ԱԺ արտահերթ ընտրություններին Աջ ղեկով մեքենաների վարորդների իրավունքերի հարցով Արման Թաթոյանը հեռախոսազրույց է ունեցել վրացի գործընկերոջ հետ Արա Աբրահամյանը շատ լավ հարաբերություններ ունի Հայաստանի նոր իշխանությունների հետ Ռուսաստանում ապրող մի շարք հայ գործարարներ ներդրումներ են կատարում և կատարելու ՀՀ սահմանամերձ գյուղերում Աջ ղեկով մեքենաների հարցով Էդմոն Մարուքյանը դիմել է վարչապետին (ֆոտո) Մեկ պաշարում են, ասում՝ ընտրեք, մեկ ասում են՝ մի ընտրեք. Ռուստամյանը՝ վարչապետի ընտրության մասին Video. Գագիկ Ծառուկյանը վերջին 2-2.5 տարիների ընթացքում կատարել է շուրջ 3 մլրդ դոլարի ներդրում. Միքայել Մելքումյան Ինչո՞ւ է անհրաժեշտ, որ ԱԺ-ն Փաշինյանին վաղը չընտրի վարչապետ. պարզաբանում է Լենա Նազարյանը Քոչարյանն ու Վանեցյանը կհանդիպե՞ն դատարանում «Ծառուկյան» դաշինքը՝ ռեյտինգային ընտրական համակարգը վերացնելու երաշխավոր Ընթանում է Ալեքսանդր Սարգսյանի որդու գործով առաջին դատական նիստը ԲՀԿ-ն ոչ թե մասնակցել, այլ պայքարել է ԱԺ-ում կազմակերպված սաբոտաժի դեմ
Ամենաընթերցված
Ֆիզիկական խնդիրներով մանկատան մարզիկները Կիևից վեր... Գագիկ Ծառուկյանի անձնական հեղինակությունը ներդրում... Մայնինգը Հայաստանում զարգացում կապրի հենց Գագիկ Ծա... Հայաստանյան տնտեսության զարգացման շարժիչ ուժը, արտ... Ծառուկյանի շնորհիվ Հայաստանը ևս մեկ հնարավորությու... Արթուր Գևորգյանին ասեք՝ լավ չե՞ս, տղա ջան Խոշարածավալ ներդրումային ծրագիր՝ ժամանակի մարտահրա... Ծառուկյանը հասավ նրան, որ Հայաստանը նորարարական տե... Արթուր Գևորգյանի ղեկավարած ֆեդերացիան հոգեվարքի մե... Գագիկ Ծառուկյանի գործունեության հիմքում Հայաստանի ... Երիտասարդ մարզային համայնքների խնդիրները ևս Գագիկ ... Գագիկ Ծառուկյանի գործունեությունը՝ լուրջ խթան մարզ... Փոքրիկ սենյակից, մինչև մեծ եկեղեցի կամ Ծառուկյանի ... Ծառուկյանը շարունակում է ազգանվեր գործունեությունը... Ժողովրդին կարեկից լինելու Ծառուկյանի անշահախնդիր մ... Այսօր՝ հայ-ուկրաինական բարեկամական հարաբերությունն... Հակաքարոզչական դրսևորումներ փաստում են, որ ԲՀԿ-ն ա... ԲՀԿ-ի ստեղծած ծանրակշիռ համագործակցության պլատֆորմ... «ԲՀԿ»-ի և «Եդինայա Ռոսիա» կուսակցության տասնամյա հ... Գագիկ Ծառուկյանը ջանք չի խնայում մեր երկրի ինչպես ...
website by Sargssyan