Ներկայացվել են Երևանի 31 մանկապարտեզների շենքերի տեխնիկական վիճակի արդյունքները

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: ՄԱԿ-ի Զարգացման ծրագրի (ՄԱԶԾ) կողմից իրականացվող «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ՄԱԶԾ-ԿԿՀ ծրագրի շրջանակներում «Երևանի էներգաարդյունավետության ծրագրին» տրամադրվող տեխնիկական օժանդակության շրջանակներում իրականացվել է մայրաքաղաքի մանկապարտեզների տեխնիկական վիճակի/սեյսմիկ հետազննություն։ «Երևանի էներգաարդյունավետության ծրագիրն» իրականացվում է Եվրոպական ներդրումային բանկի և Երևանի քաղաքապետարանի միջև 2017թ.-ի դեկտեմբերի 1-ին ստորագրված ֆինանսական պայմանագրի հիման վրա:

Ինչպես փոխանցում է «Արմենպրես»-ը, սեյսմիկ պաշտպանության տարածքային ծառայության իրականացրած ուսումնասիրությունն ընդգրկել է Երևանի քաղաքապետարանի ենթակայության տակ գտնվող 31 մանկապարտեզներ։

Հունիսի 12-ին ՄԱԿ-ի հայաստանյան գրասենյակում տեղի ունեցավ հետազննության արդյունքների ներկայացում և քննարկում՝ Երևանի քաղաքապետարանի և քաղաքաշինության ոլորտի պատասխանատու մարմինների ներկայացուցիչների ու փորձագետների մասնակցությամբ։

«Մենք միշտ ընդգծում ենք յուրաքանչյուր խնդրի բնապահպանական, սոցիալական և տնտեսական գործոնների համադրությունը։ Կարճաժամկետ հեռանկարում սա կարող է թվալ խոշոր ներդրում, որը, սակայն, արդարացված է երկարաժամկետ հեռանկարում, քանի որ, ինչպես գիտեք, ցանկացած աղետ կանխելն ավելի քիչ ծախսատար է, քան հետևանքները վերացնելը». ասաց  ՄԱԶԾ մշտական ներկայացուցչի տեղակալ Դմիտրի Մարիյասինը։

ՀՀ քաղաքաշինության պետական կոմիտեի նախագահի տեղակալ Արմեն Ղուլարյանը հիշեցրեց, որ եթե մինչև 1988թ-ը Երևանում կառուցվող բոլոր շենքերի նախագծային սեյսմակայունությունը մինչև 8 բալ էր, ապա 88-ի երկրաշարժից հետո այս չափորոշիչը վերանայվեց և շենքերի սեյսմակայունությունը բարձրացնելու անհրաժեշտություն առաջացավ։ 2017թ․ կոմիտեն մշակել և կառավարությանն է ներկայացրել շենքերի սեյսմակայունության և հուսալիության բարձրացման ռազմավարություն, որով նախատեսվում է, ըստ կարևորության, հաջորդաբար կատարել շենքերի փաստացի տեխնիկական վիճակի հետազննություն, տրամադրել շենքերի տեխնիկական անձնագրեր և ստեղծել միասնական բազա։ ՄԱԶԾ աջակցությամբ իրականացված գնահատման տվյալները կհամալրեն այդ բազան։

ՄԱԶԾ կլիմայի փոփոխության ծրագրերի համակարգող Դիանա Հարությունյանը վստահեցրեց, որ ՄԱԶԾ չի սահմանափակվելու միայն մանկապարտեզներով, աջակցելու է նաև հանրային նշանակության այլ շենքերի սեյսմակայունության և էներգաարդյունավետության բարձրացմանն ուղղված միջոցառումներին։ Նրա խոսքով՝ մասնագետների խումբը մանկապարտեզների սեյսմակայունության ուժեղացման առաջարկները մշակելիս օգտագործել է նորարարական մոտեցումներ՝ հաշվի առնելով միջազգային փորձը։

Ներկայացնելով հետազննության արդյունքները՝ ՀՀ արտակարգ իրավիճակների նախարարության «Սեյսմիկ պաշտպանության տարածքային ծառայություն» ՊՈԱԿ-ի Կառուցվածքների սեյսմակայունության վարչության պետ Զավեն Խլղաթյանն ասաց, որ շենքերի յուրաքանչյուր տիպի համար կարողացել են գտնել նվազագույն ֆինանսական միջոցներով մանկապարտեզների սեյսմակայունությունը բարձրացնելու լավագույն տարբերակը։ Միայն մեկ մանկապարտեզի դեպքում հետազննության արդյունքում տրվել է բացասական եզրակացություն. ուժեղացումը նպատակահարմար չէ։

Հետազննության արդյունքների ներկայացմանը հետևեց արդյունավետ քննարկում և կարծիքների ակտիվ փոխանակում:

«Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ՄԱԶԾ-ԿԿՀ ծրագրի կողմից «Երևանի էներգաարդյունավետության» ծրագրին տրամադրվող տեխնիկական օժանդակության հետագա աշխատանքները ներառում են՝

  • մանկապարտեզների շենքերի էներգետիկ աուդիտների իրականացումը /ընթացքում է/,
  • Տեխնիկական հետազննության և էներգետիկ աուդիտի արդյունքների հիման վրա մանկապարտեզների հիմնանորոգման նախագծերի մշակումը,
  • Շինարարության ընթացքում տեխնիկական և հեղինակային հսկողությունը,
  • Շահագործման առաջին տարվա ընթացքում մոնիտորինգի իրականացումը:
loading...
Անմեղսունակ շառլատան և հոգեբուժարանի պացիենտ. Օգտատերերը Տիգրան Հովհաննիսյանի մասին Հոգեկան հիվանդին գիտակից որևէ մարդ լուրջ չի կարող ընկալել Տիգրան Հովհաննիսյանը պետք է բուժզննում անցնի հոգեբուժարանում Փորսուղը կրկին արևի տակ է դուրս եկել Անմեղսունակ շառլատանի հարցով պետք է զբաղվեն իրավապահ մարմինները Հոգեբուժարանի պացիենտների ասածները չեն կարող ազդեցություն ունենալ մարդկանց բարի համբավի վրա Երևանում կմեկնարկի «Ֆրեսկո» ժամանակակից արվեստի և հոգևոր ֆիլմերի 5-րդ միջազգային փառատոնը Հունիսի 21-ին կամփոփվի «Հնչում է Երևանը» երաժշտական և արվեստի դպրոցների 11-րդ փառատոնը Գտեք այս ✌❤U սիմվոլները խաղադրույքի տոմսի վրա Մամուլի որոշ ներկայացուցիչներ շարունակում են աշխատել «պղտոր ջրում՝ ձուկ որսալու» ավանդական սկզբունքով Լրագրողական մանիպուլացիան բացահայտվեց Անցյալի համար պատասխան տալու, և ոչ թե դատարկ վերլուծություններ գրելու ժամանակն է Գագիկ Ծառուկյանը դիմել է Սպորտի և երիտասարդության հարցերի նախարարությանը և Կառավարությանը՝ տարկետման վերաբերյալ միջնորդության ցուցակից իր որդու անունը հանելու կոչով Wikimedia-ում Երևանի մասին հոդվածները 1 ամիս կթարգմանվեն տասնյակ լեզուներով. Ամենաակտիվ թարգմանողները կհրավիրվեն 2800-ամյակին Ընթանում է ԱԺ արտահերթ նիստը. օրակարգում Մանվել Գրիգորյանի հարցն է (ուղիղ)
Ամենաընթերցված
Մամուլի որոշ ներկայացուցիչներ շարունակում են աշխատ... Լրագրողական մանիպուլացիան բացահայտվեց Հասարակությանը փորձ է արվում հրամցնել հերթական կեղ... Նվեր Ծառուկյանի տարկետման թեման պղտոր ջրում ձուկ ո... Մութ սենյակում սև կատու փնտրողները ձախողվեցին Պրիմիտիվ պատվեր, որը չի դիմանում ոչ մի քննադատությ... Պարզագույն տգիտություն և ստորագույն պատվեր Ծառուկյանի գազալցակայաններում ՊԵԿ ստուգումների թեմ... Զուր չէ դժգոհության ալիքը՝ «Բարեգործության մասին» ... Իրականում 60 տոկոս աղքատություն ունեցող երկրում բա... Խորհրդակցական հանձնաժողովը նեղ քաղաքական շահեր սպա... Իշխանական լծակների կիրառո՞ւմ և շանտա՞ժ արտահերթ ըն... Բարեգործության նոր օրենքը լրացուցիչ լծակ է Փաշինյա... Փաշինյանն ու ՀՀԿ-ականները միացել են, որպեսզի բարեգ... Դոն Պիպոյի սարքած գործի արդյունքով ամուսինս կալանք... Ինչո՞ւ է շրջանառության մեջ դրվել Գագիկ Ծառուկյանի ... Պետական լծակները՝ քաղաքական ճնշումների գործիք Ռեպրեսիա՝ ուղղված բարեգործության դեմ Թիրախում հայտնվել է ամենամարդասիրական ոլորտը «Առաջին ծիծեռնակը» Էներգետիկային նախարարից եկավ
website by Sargssyan