PressMedia.am | Կառավարության արտահերթ նիստ. հուլիսի 1-ից ուժի մեջ կմտնի կենսաթոշակային կուտակային համակարգի պարտադիր բաղադրիչը

Կառավարության արտահերթ նիստ. հուլիսի 1-ից ուժի մեջ կմտնի կենսաթոշակային կուտակային համակարգի պարտադիր բաղադրիչը

Կառավարությունն այսօր արտահերթ նիստ է հրավիրել, որի օրակարգում ընդգրկված է երկու հարց:

Դրանցից մեկը «Կուտակային կենսաթոշակների մասին» Հայաստանի Հանրապետության օրենքում լրացումներ կատարելու մասին» օրենքի նախագիծն է, որը ենթադրում է, որ կենսաթոշակային կուտակային համակարգի պարտադիր բաղադրիչը ուժի մեջ կմտնի հուլիսի 1-ից:

Օրինագծի բացատարական մասում նշվում է.

«Համակարգի ամբողջական ներդրումը կարեւոր է՝ հաշվի առնելով հետեւյալ փաստերը՝

Պարտադիր կուտակային համակարգի շահառուների գերակշիռ մասն արդեն իսկ ներառված է համակարգում եւ շահառուների միայն փոքր մասն է, որի ներառումը համակարգում նախատեսվում է հուլիսի 1-ից հետո:

Այս պահի դրությամբ կուտակային ֆոնդերում հավաքված է 120 միլիարդ դրամ, որի 70 տոկոսը ներդրված է Հայաստանի տնտեսության մեջ:

Կուտակային ֆոնդերի կառավարումն իրականացնում են այնպիսի ընկերություններ, որոնց հիմնադիրները աշխարհում հսկայական հեղինակություն վայելող եւ ահռելի, նույնիսկ Հայաստանի տարեկան ՀՆԱ-ն տասնյակ անգամներ գերազանցող կապիտալներ կառավարող ընկերություններ եւ Հայաստանում նրանց հետագա ճակատագիրը միջազգայնորեն ճանաչված գնահատական է լինելու Հայաստանում ներդրումներ անելու հուսալիության աստիճանին:  Մասնավորապես, Ֆրանսիական Ամունդին աշխարհում կառավարման ներքո ունի ավելի քան 1.5 տրլն եվրո (1-ինը Եվրոպայում, 10-րդը աշխարհում), ունի 37 երկրում գրասենյակներ եւ ավելի քան 100 մլն հաճախորդ ամբողջ աշխարհում(որից շուրջ 3000 ինստիտուցիոնալ ներդրողներ են): Ավստրիական «Ցե-Կվադրատ» ներդրումային ընկերությունը եւ գերմանական «Տալանքս Ասեթ Մենեջմենթ»-ը ամբողջ աշխարհում կառավարման ներքո ունեն ավելի քան 150 մլրդ ԱՄՆ դոլար: Տալանքսը գերմանական 3-րդ խոշորագույն ապահովագրական ընկերությունն է, դասվում է 10 խոշորագույն եվրոպական ապահովագրական ընկերությունների շարքին, գործում է աշխարհի ավելի 150 երկրներում, ունի A+ վարկանիշ Standard and Poor’s-ի կողմից տրված։

Այս պրոցեսն անցել է անդառնալիության կետը,եւ տվյալ խնդրի շուրջ որոշում կայացնելիս պետք է հաշվի առնելայն ռիսկերը, որոնք կարճաժամկետ եւ  երկարաժամկետ առումով կարող են աղետալի հետեւանքներ ունենալ Հայաստանի տնտեսության համար, ինչպես նաեւ այն դրական արդյունքը, որը կարող ենք ունենալ համակարգի ամբողջական ներդրմամբ:

Համակարգի ներդրման հետ միաժամանակ, կառավարությունը շարունակելու է քննարկումը հասարակության լայն շերտերի հետ նրանց մտահոգություններին արձագանքելու եւ համակարգը երկարաժամկետ հեռանկարում ավելի ճկուն եւ ներառական դարձնելու ուղղությամբ։

Կառավարությունն այս թեմայով կաշխատի մաքսիմալ անկեղծ եւ թափանցիկ, եւ կկայացնիայնպիսի որոշումներ, որոնք հաշվի կառնեն ինչպես խնդրի ռազմավարական խորքը, այնպես էլ ՀՀ քաղաքացիների երկարաժամկետ ու կարճաժամկետ շահերը:

Համակարգի ներդրման հետ կապված հասարակության հիմնական մտահոգությունը դրանով պայմանավորված լրացուցիչ ֆինանսական բեռն է։ Դրա մեղման համար պետությունը իր վրա է վերցնում կուտակային համակարգին միացած եւ այդ դրան միացող անձանց համար դրա ամբողջական ներդրման փուլում առաջացող բեռի զգալի մասը՝ համակարգի սահուն ներդրումը ապահովելու համար։ Միեւնույն ժամանակ, կառավարությունը հանձնառություն է ստանձնում իրականացնելու եկամտային հարկի բարեփոխումներ, որն ուղղված կլինի քաղաքացիների՝ սոցիալական վճարների բեռի զգալի նվազեցմանը։ Ընդ որում, անձանց կողմից որոշակի չափով սոցիալական վճար կատարելը դրական կանդրադառնա համակարգի արդյունավետության վրա, քանի որ քաղաքացիները հետաքրքրված եւ պահանջատեր կլինեն համակարգի գործունեության նկատմամբ»:

Որպես ակնկալվող արդյուք կառավարությունը նշում է հետեւյալը.

«Օրենքի փոփոխությամբ պետական բյուջեի վրա է դրվում կենսաթոշակային համակարգին անդամակցող եւ նոր միացող անձանց կողմից կատարվող վճարների կեսը, որի արդյունքում ապահովվում է համակարգի սահուն եւ ամբողջական ներդրումը։Մասնավորապես, գործող կարգավորմամբ, անձը կուտակում է իր եկամտի 10 տոկոսը՝ 5 տոկոսը վճարում է անձը, 5 տոկոսը՝ անձի օգտին պետությունը։ Նախագծով առաջարկվող տարբերակով 2,5 տոկոսը վճարում է անձը, 7,5 տոկոսը՝ պետությունը։ Օրինակ, 200 000 դրամ աշխատավարձի դեպքում անձը կատարում է 10 000 դրամ սոցիալական վճար, իսկ պետությունն իր հերթին ավելացնում է եւս 10 000 դրամ։ Նախագծի համաձայն, անձը կվճարի 5000 դրամ (2,5 տոկոսը), իսկ պետությունը՝ 15 000 (7,5 տոկոսը)։ Այս դրույքաչափերը կգործեն մինչեւ եկամտային հարկի բարեփոխումների ուժի մեջ մտնելը, որի արդյունքում կնվազի վճարվող եկամտային հարկը՝ նվազեցնելով նաեւ սոցիալական վճարների բեռը համակարգի մասնակիցների համար»:

loading...
Արկտիկայի ամենահին եւ ամենապինդ սառույցը պատմության մեջ առաջին անգամ սկսել է ճաքել եւ կոտրվել Դերասանուհի Սիլվի Բարկովան ամուսնացել է հնդկական ավանդույթներով Հասարակական տրանսպորտում կգործեն տեսահսկման, հովացման և ջեռուցման համակարգեր. քննարկվել են նոր համակարգի հիմնական չափորոշիչները Բելգիայի ամենառոմանտիկ ամրոցը «երազանքի աշխատանքի» հայտարարություն է հրապարակել «Սինքֆիլդի գավաթ». Արոնյանն ու Մամեդյարովը 24 քայլում ավարտեցին պարտիան Իրինա և Լուսինե Թովմասյանների համատեղ հանգստի հետաքրքիր պահերն ու իրականացած երազանքը Ռուսաստանն առանց սեփական շահերին վնասելու կպատասխանի ԱՄՆ-ի նոր պատժամիջոցներին Մերժվածը սերիալի Ամբիկան իրական կյանքում Զոհրաբ Մնացականյանն ընդունել է Իսրայելի արտաքին գործերի նախարարության գլխավոր տնօրենի տեղակալին Ո՞վ է Շիվի կինը, թե՞ Շիվն ամուսնացած չէ Նիկոլ Փաշինյանը մի քանի տասնյակ սփյուռքահայերի ՀՀ-ում հատուկ կացության կարգավիճակ է շնորհել 15 գաղտնիք՝ ինչպես դառնալ ինստագրամյան հայտնի մոդել Հայտնի են 2018-ի առաջին կիսամյակում ամենաշատը վաճառված ավտոմեքենաները Գիտնականները խոսել են ալկոհոլային և էներգետիկ ըմպելիքներով պատրաստված կոկտեյլների վնասի մասին Բելգիայի թագավորական ընտանիքը Հայաստանում է
Ամենաընթերցված
Գ.Ծառուկյանն իր հեղինակությունն ու անձնական կապերը... Գ.Ծառուկյանը Հայաստանում ՏՏ ոլորտի զարգացման և առա... Հայստանում ՏՏ ոլորտին ուղղված ներդրումները բեկումն... Նոր հեռանկարներ Հայաստանի զարգացման համար. Գ. Ծառո... Հայաստանը Գ. Ծառուկյանի ջանքերի շնորհիվ կվերածվի ի... Վստահելով Գ. Ծառուկյանին՝ ՏՏ ոլորտի 2000 մասնագետն... Գ. Ծառուկյանի նախաձեռնած ներդրումների շնորհիվ Հայա... ՀԲՖ ղեկավարության ֆինանսական սղության պատճառով բռն... ՀԲՖ ղեկավարությունը AIBA-ի որոշումից հետո ծիծաղելի... Ուժեղ մրցակցի հայտնվելու հանգամանքը գլխիվայր փոխեց... Թերի կազմով և ծածուկ կազմակերպված ՀԲՖ նախագահի ընտ... ՀԲՖ ղեկավարությունն հաստատեց, որ ֆեդերացիայում տիր... Անօրինականությունը շտկելու միակ արդարացի տարբերակը... Բռնցքամարտի ֆեդերացիայի նախագահի ընտրություններն ա... Բռնցքամարտի ֆեդերացիայի նախագահի ընտրություններին ... Բռնցքամարտի ֆեդերացիայի նախագահի նոր ընտրությունից... Շնորհիվ Գագիկ Ծառուկյանի՝ բռնցքամարտի ոլորտում այլ... Բռնցքամարտի ֆեդերացիայի անդամները ցանկանում են ձևա... Գագիկ Ծառուկյանը բռնցքամարտի ֆեդերացիայում առկա խն... Գագիկ Ծառուկյանը արձագանքեց Բռնցքամարտի ֆեդերացիայ...
website by Sargssyan