«Վստահ էինք, Պարոն Ծառուկյանը 500 ընտանիքի առանց աշխատանքի չի թողնի»

Սմբատ Ավագյանը ֆեյսբուքյան իր էջում գրում է.

Բոլորն են հիշում մայիս ամսին սկիզբ առած գործադուլները, որոնց թվում էր նաև Արարատի ցեմենտի գործարանի աշխատակիցների գործադուլը։ Դեռ այն ժամանակ Մուլտի Գրուպ կոնցեռնի տնօրեն Սեդրակ Առուստամյանը հանդիպել էր բողոքողների հետ, տեղում բավարարել նրանց մի շարք պահանջները, իսկ մյուս խնդիրների համար ժամանակ էր պահանջել մինչև մայիսի 25-ը՝ նշելով, որ դրանց լուծում կարող է տալ միայն Գագիկ Ծառուկյանը։

Բողոքող աշխատակիցները պահանջում էին հանդիպում Գագիկ Ծառուկյանի հետ՝ վստահ լինելով, որ նա կարող է իրենց հուզող բոլոր խնդիրներին տեղում լուծում տալ։ Բողոքողների այս պահանջը և նաև իրենց խնդիրների լուծման վստահությունը հիմնավորված էր, քանի որ Գագիկ Ծառուկյանը միշտ ականջալուր է եղել բոլոր մտահոգ անձանց խնդիրներին։ Ուստի այդ պատճառով այդ հանդիպումը իրեն երկար սպասեցնել չտվեց։

Մայիսի 25-ին Գագիկ Ծառուկյանը, ինչպես խոստացվել էր, հանդիպեց Արարատի ցեմենտի գործարանի աշխատակիցների հետ, և, ինչպես սպասվում էր, տեղում տվեց բոլոր հարցերի լուծումները։ Հանդիպման կադրերից զգացվում էր, որ աշխատակիցները հանդիպման էին եկել բարձր տրամադրությամբ և հավատքով, որ իրենց բարձրաձայնած բոլոր խնդիրներին Գագիկ Ծառուկյանը տեղում լուծում է տալու։

Այդպես էլ եղավ, քանի որ Արարատի ցեմենտի գործարանի աշխատակիցների բոլոր պահանջները բավարարվեցին։ Սակայն Գագիկ Ծառուկյանը միայն այդքանով չբավարարվեց, այլ աշխատակիցների համար կատարեց նաև այնպիսի քայլեր, որոնք չէին բխում բողոքող աշխատակիցների պահանջներից։

Այսպես, Ծառուկյանը նախ հայտարարեց, որ չնայած շրջանառվող կեղծ լուրերին, ցեմենտի գործարանը չի փակվելու և շարունակելու է աշխատել նույն թափով, և որևէ մեկը չի զրկվելու իր աշխատանքից։ Գործարանի բոլոր վարորդներին Ծառուկյանը իր կողմից 100 հազար դրամ պարգևավճար տվեց։ Տեղում լուծում ստացան մի շարք բարձրացված հարցեր կանխավճարից մինչև աշխատանքի տեղավորում։ Այսպիսով աշխատակիցներին կրճատելու փոխարեն Գագիկ Ծառուկյանը դեռ մի բան էլ ավելացրեց գործարանի աշխատակազմը, չնայած այն հանգամանքին, որ գործարանը վաղուց աշխատում է աշխատակիցների այսպես ասած ավելցուկով (ավելի քան 500 աշխատակից)՝ նրանց չկրճատելու համար։

Օրվա խորհրդին և իր կողմից ստեղծված տարիների ավանդույթին համաձայն, Գագիկ Ծառուկյանը Վերջին զանգի առթիվ 50 հազար դրամ պարգև տվեց ընտանիքում շրջանավարտ ունեցող բոլոր աշխատակիցներին։

 

Այս ամենից զատ լուծվեցին նաև մի շարք սոցիալական խնդիրներ, որոնք, կրկին անգամ, որևէ կապ չունեին աշխատակիցների բողոքի ակցիայի հետ։ Այսպես, Գագիկ Ծառուկյանը 18 միլիոն դրամ հատկացրեց Արարատի 45 ընտանիքների տների տանիքները վերանորոգելու համար, ինչպես նաև իր կողմից ավտոբուս հատկացրեց Արարատի ուսանողներին՝ անվճար Երևան գալ-գնալու համար։

Աշխատակիցները հանդիպումից գնացին գոհ և շնորհակալ։ Այս հանդիպումով Գագիկ Ծառուկյանը ցույց տվեց, որ իր և աշխատակիցների միջև կա փոխըմբռնման և փոխվստահության մթնոլորտ, որը երբեք չի կարող խաթարվել, իսկ գործարանի աշխատակիցները ոչ միայն չկրճատվեցին, այլ նաև նրանց թիվը ավելացավ։
Ինչպես հանդիպման ժամանակ դիպուկ նշեց աշխատակիցներից մեկը՝ դիմելով Գագիկ Ծառուկյանին, «Ձեր անձը ճանաչելով վստահ էինք, որ չի կարող նման բան լինել, որ Գագիկ Ծառուկյանը 500 հոգու, 500 ընտանիք առանց աշխատանք չի թողնի»։

loading...
Պուտինը եւ Թրամփը կհանդիպեն նոյեմբերի 11-ին՝ Փարիզում «Ցավում եմ, որ որոշ ուժեր սա չհասկացան». Արարատ Միրզոյանը խաղաղվելու մաղթանք է հղել ՀՀԿ-ն վաղը կայանալիք վարչապետի ընտրություններում թեկնածու չի առաջադրելու Արա Աբրահամյանը կմասնակցի՞ ԱԺ արտահերթ ընտրություններին Աջ ղեկով մեքենաների վարորդների իրավունքերի հարցով Արման Թաթոյանը հեռախոսազրույց է ունեցել վրացի գործընկերոջ հետ Արա Աբրահամյանը շատ լավ հարաբերություններ ունի Հայաստանի նոր իշխանությունների հետ Ռուսաստանում ապրող մի շարք հայ գործարարներ ներդրումներ են կատարում և կատարելու ՀՀ սահմանամերձ գյուղերում Աջ ղեկով մեքենաների հարցով Էդմոն Մարուքյանը դիմել է վարչապետին (ֆոտո) Մեկ պաշարում են, ասում՝ ընտրեք, մեկ ասում են՝ մի ընտրեք. Ռուստամյանը՝ վարչապետի ընտրության մասին Video. Գագիկ Ծառուկյանը վերջին 2-2.5 տարիների ընթացքում կատարել է շուրջ 3 մլրդ դոլարի ներդրում. Միքայել Մելքումյան Ինչո՞ւ է անհրաժեշտ, որ ԱԺ-ն Փաշինյանին վաղը չընտրի վարչապետ. պարզաբանում է Լենա Նազարյանը Քոչարյանն ու Վանեցյանը կհանդիպե՞ն դատարանում «Ծառուկյան» դաշինքը՝ ռեյտինգային ընտրական համակարգը վերացնելու երաշխավոր Ընթանում է Ալեքսանդր Սարգսյանի որդու գործով առաջին դատական նիստը ԲՀԿ-ն ոչ թե մասնակցել, այլ պայքարել է ԱԺ-ում կազմակերպված սաբոտաժի դեմ
Ամենաընթերցված
Ֆիզիկական խնդիրներով մանկատան մարզիկները Կիևից վեր... Գագիկ Ծառուկյանի անձնական հեղինակությունը ներդրում... Մայնինգը Հայաստանում զարգացում կապրի հենց Գագիկ Ծա... Հայաստանյան տնտեսության զարգացման շարժիչ ուժը, արտ... Ծառուկյանի շնորհիվ Հայաստանը ևս մեկ հնարավորությու... Արթուր Գևորգյանին ասեք՝ լավ չե՞ս, տղա ջան Խոշարածավալ ներդրումային ծրագիր՝ ժամանակի մարտահրա... Ծառուկյանը հասավ նրան, որ Հայաստանը նորարարական տե... Արթուր Գևորգյանի ղեկավարած ֆեդերացիան հոգեվարքի մե... Գագիկ Ծառուկյանի գործունեության հիմքում Հայաստանի ... Երիտասարդ մարզային համայնքների խնդիրները ևս Գագիկ ... Գագիկ Ծառուկյանի գործունեությունը՝ լուրջ խթան մարզ... Փոքրիկ սենյակից, մինչև մեծ եկեղեցի կամ Ծառուկյանի ... Ծառուկյանը շարունակում է ազգանվեր գործունեությունը... Ժողովրդին կարեկից լինելու Ծառուկյանի անշահախնդիր մ... Այսօր՝ հայ-ուկրաինական բարեկամական հարաբերությունն... Հակաքարոզչական դրսևորումներ փաստում են, որ ԲՀԿ-ն ա... ԲՀԿ-ի ստեղծած ծանրակշիռ համագործակցության պլատֆորմ... «ԲՀԿ»-ի և «Եդինայա Ռոսիա» կուսակցության տասնամյա հ... Գագիկ Ծառուկյանը ջանք չի խնայում մեր երկրի ինչպես ...
website by Sargssyan