Նիկոլ Փաշինյանի օգնությունը Պուտինին , Սոչիի հանդիպմանը

Նիկոլ Փաշինյանը երեկ ժամանել է Սոչի, որտեղ տեղի է ունենալու Եվրասիական միության ղեկավարների վեհաժողովը: Նա առանձին հանդիպում է ունենալու նաեւ Պուտինի հետ:

Հանդիպման նախօրեին Պուտինը «նվեր» էր մատուցել Հայաստանին, տխրահռչակ Լեոնտեւի ներողության տեսքով: Լեոնտեւը ԿՊ-ի ռադիոյով երկու անգամ վիրավորական արտահայտություններ էր արել Հայաստանի հասցեին, մասնավորապես հայտարարելով, որ հայերը ոտքով-գլխով պարտական են Ռուսաստանին:

Ընդհանրապես, այս թեզը մոդայիկ է ռուսական քաղաքական-վերլուծական շրջանակներում, եւ հատկապես շատ է քարոզվում այն ժամանակաշրջաններում, երբ Հայաստանում տեղի են ունենում որոշ «անցանկալի» իրադարձություններ՝ քաղաքացիական շարժումներ, Եվրամիության հետ համաձայնագրի ստորագրումը եւ այլն:

Թավշյա հեղափոխությունը բացառություն չէր, եւ ռուսական անթիվ-անհամար հեռուստահաղորդումների ժամանակ հայտարարվում էր, որ հայերն առանց Ռուսաստանի կորած են, որ «փախչելու տեղ չունեն»:

Այս ֆոնին, Կրեմլը պահպանում էր լոյալություն չմիջամտելու խոստումով, միեւնույն ժամանակ պաշտոնական Մոսկվան այդպիսով փորձում էր պահել իր դեմքը եւ համակրանք ձեւավորել հայերի մոտ, որը վերացել էր ապրիլյան պատերազմից հետո:

Նիկոլ Փաշինյանը, ժամանակին խոսելով Ռուսաստանի հետ հարաբերության մասին, ասում էր, որ պետք է օգնել Ռուսաստանին Հայաստանի հետ հարաբերություններում իր խնդիրներում, նկատի ունենալով այն, որ Մոսկվան իր քաղաքականությամբ վարկաբեկվում է Հայաստանում, եւ նրան պետք է բացատրել շատ բան՝ այդ վիճակից դուրս գալու համար:

Իհարկե դժվար է ենթադրել, թե Ռուսաստանում չէին հասկանում, թե ինչ են անում Հայաստանի հետ: Միեւնույն ժամանակ, Ռուսաստանն ու Պուտինը ներկայում իսկապես օգնության կարիք ունեն, նկատի առնելով թավշյա հեղափոխությունից հետո հայկական մոդելի ունիվերսալությունը մասնավորապես եվրասիական տարածությունում:

Իր երդմնակալության օրը Պուտինն անսպասելի հայտարարություն էր արել. «Մեզ ճեղքումներ են պետք կյանքի բոլոր ոլորտներում: Խորապես համոզված եմ, որ միայն ազատ հանրությունը կարող է այդպիսի թռիչք ապահովել, որն ընկալում է ամեն նորը եւ առաջավորը եւ մերժում է անարդարությունը, քարացածությունը, հետադիմությունը եւ բյուրոկրատական մեռյալությունը՝ այն ամենը, ինչ շղթայում է մարդկանց, խանգարում լիարժեք բացվելուն»:

Համահո՞ւնչ է հայկական շարժման գաղափարներին: Սա շատերը գնահատեցին որպես հայկական իրադարձությունների ուղիղ ազդեցություն, եւ դա հեռու չէ ճշմարտությունից: Հնարավոր է՝ Պուտինը պարզապես ռուսական հասարակության աճող դժգոհությունը «հանգստացնելու» համար է սա ասում, միեւնույն ժամանակ՝ չի բացառվում, որ դա լինի անկեղծ հայտարարություն:

Բանն այն է, որ ամերիկյան թիրախային պատժամիջոցները Պուտինի մերձավորների ու օլիգարխների դեմ վերացրել են ռուսական «էլիտաների պայմանագիրը», որով պահպանվում էր ներհամակարգային հավասարակշռությունը: Ներկայում այդ պայմանագիրը չկա, իսկ նորը կարող է լինել միայն հանրության հետ: Սա առանձին թեմա է, որին կանդրադառնանք առաջիկայում:

Նիկոլ Փաշինյանը կարող է կիսվել սոցիալական համերաշխության հասնելու հայկական փորձով, որը հնարավոր է Ռուսաստանի շանսն է դուրս գալու ներկայիս իրավիճակից:

Շատերն էին Հայաստանում հարց տալիս, թե որն է լինելու Կրեմլի լոյալության «գինը» Հայաստանի համար, այս անգամ ինչ է զիջվելու: Մտահոգությունը տեղին է, առավել եւս հաշվի առնելով նախորդ տասնամյակների փորձը եւ ռուսական վերը նշված արձագանքները թավշյա հեղափոխության ժամանակ:

Հայաստանը չունի վճարելու բան, եւ պարտական էլ չէ Ռուսաստանին: Ավելի ճիշտ, պարտականությունները լինում են փոխադարձ, հայերը լիուլի վճարել են: Եվ եթե հայ-ռուսական «բանավեճը» շարունակվի պարտականության կտրվածքով, հայերը կարող են շատ բան հիշեցնել, ընդհուպ 9-րդ դարից:

Փոխարենը, ներկայում Ռուսաստանին կարելի է հիշեցնել Ղարաբաղը, Նախիջեւանը, 1921 թ. ռուս-թուրքական պայմանագիրը: Ռուսաստանը շատ պարտքեր ունի վերադարձնելու:

loading...
Հրաձգության Հայաստանի երիտասարդական առաջնությունում երեք մարզիկ լրացրել է սպորտի վարպետի նորման Ավարտվեց Հայաստանի Բարձրագույն խմբի առաջնությունը. Կայացավ պարգևատրման արարողությունը Ամերիկահայ բարեգործը 1 մլն դոլար է նվիրաբերելու Գետավանի դպրոցին. ԱՀ պետնախարարն ընդունել է «Հայաստան» հիմնադրամի պատվիրակությանը ՀՀ վարչապետը և նախագահը ներկա են եղել սպարապետ Վազգեն Սարգսյանի մոր՝ Գրետա Սարգսյանի հոգեհանգստի արարողությանը ՀՀ զինված ուժերն անպատասխան չեն թողնի Հայաստանի հետ սահմանում Ադրբեջանի ինժեներական աշխատանքները. Արծրուն Հովհաննիսյան Ամասիայում ազդարարվեց «ԵՄ-ն Շիրակի մարզին։ Նոր աշխատատեղեր շնորհիվ բրդի արտադրության» ծրագրի մեկնարկը Արցախի Նախագահը մասնակցել է «Թալիշի վերածնունդ» նախագծի մեկնարկի հանդիսավոր արարողությանը Հայաստանում Եվրամիության դեսպան․ «Կօգնենք հույսը հասցնել իրականության» Վենեսուելան մեղադրել է ԱՄՆ-ին պատժամիջոցների օգնությամբ ընտրությունները սաբոտաժի ենթարկելու մեջ Հրդեհ է բռնկվել երեւանյան ավտոտնակում. Դեպքի վայր է մեկնել երկու մարտական հաշվարկ (ֆոտո) Հայաստանի Զինված ուժերի ՀՕՊ զինատեսակների շարքը կհամալրվի «Տոռ» զենիթահրթիռային համալիրներով Մերկելին դատի են տվել «Երևան 2800» գորգը նվիրաբերվել է Երևան քաղաքի պատմության թանգարանին «Երևան 2800» գորգը նվիրաբերվել է Երևան քաղաքի պատմության թանգարանին Ազգային դիսկուրսի դուալիզմն ու անհանդուրժողականության բումը
Ամենաընթերցված
Գործարանի աշխատակիցներին գործիք են սարքում իրենց ի... «Արարատ» ցեմենտի գործարանի աշխատակիցներին մոլորութ... Բողոքի ակցիան հրահրողները կոտրված տաշտակի առաջ են ... Երբ մենք միասնական ենք և համախմբված` հաղթում ենք. ... Քաղաքը փարախ չի, որտեղ կարելի ա ցանկացած հատված մե... Գագիկ Ծառուկյանի ներկայությունը ԱԺ նիստին վկայում ... Վերջին զարկը կապիտուլացրեց ողջ համակարգը Ստոր «տակտիկական» քայլ՝ ի վնաս համաժողովրդական շար... Երևանաբնակ զինծառայողների ծնողներին ճանապարհում են... Հայաստանին ոչ թե կոմպրոմատների պատերազմ է պետք, այ... Գաղտնի լսում . Հրապարակում հերթապահող 2 ոստիկաններ... Պետք է կանխել բախումները Հուշարձանների և տեսարժան վայրերի միջազգային օրվա շ... Գագիկ Ծառուկյանը հաստատուն քայլ է կատարում Հայաստա... Գագիկ Ծառուկյանը հաստատուն քայլ է կատարում Հայաստա... Գագիկ Ծառուկյանը հաստատուն քայլ է կատարում Հայաստա... «Մուլտի գրուպ» կոնցեռնի նոր նախագիծը փոխում է տնտե... Գագիկ Ծառուկյանի ջանքերով ՀՀ տնտեսությունում գործա... Ի շնորհիվ Գագիկ Ծառուկյանի առաջիկա 2 տարում կրիպտո... Երևանի հիմնադրման 2800-ամյակին նվիրված տոնական միջ...
website by Sargssyan